俾人操嘅感覺真係唔好受…..

標題嘅”操”字大家唔好誤會,呢個唔係粗口,而係操練個操. 各項長跑賽事隨住天氣越來越熱而相繼結束. 自己亦開始為下年嘅全馬作準備,因為跑全程馬拉松同半程馬拉松完全係兩回事,所以充足嘅準備係非常需要. 而我最近亦跟隨教練作高強度嘅訓練課程.

高強度訓練課程箇名思意並唔係一般訓練咁簡單,當中包括四個姿勢: 彈彈跳、跨步跳、提膝跳及後蹬腿,當中每一次動作過後也要作短途衝刺跑前後十數次, 最後再作十多次”爆肺”短途衝刺跑作結尾,當然之後的體能訓練亦要照常. 經過一晚後感覺到每一吋筋骨也不再屬於自己,比起之前作的長課不知辛苦多少倍,但另一方面亦可以察覺到自己嘅弱點,就係無氣同埋大腿後肌以前從未用過.當掌握跨大步之後,下一個重點就係如何在跨步中放鬆身體了,希望遲啲可以練到啦!

p.s. 咁練法真係想肥都難,再加上琴晚半夜睇波,今日返工一個字形容-----“謝”……